SHIRIKA LA MZINGA

SHIRIKA LA MZINGA

Shirika la Mzinga lililopo Mkoani Morogoro lilianzishwa mnamo mwaka 1971, likiwa ni Mradi wa Jeshi la Ulinzi la Wananchi wa Tanzania kwa ajili ya kuzalisha mazao kwa matumiziya JWTZ. Ilipofika tarehe 13 Septemba, 1974, mradi huu ulitangazwa rasmi kuwa Shirika la Umma chini ya Sheria ya The Public Corporation Act No. 19 of 1969, na kupewa Jina la Shirika la Mzinga, kwa Waraka wa Serikali Nambari 219 wa Mwaka 1974 na hivyo, kuwa chini ya Wizara ya Ulinzi na Jeshi la Kujenga Taifa.

Lengo kuu la kuanzishwa kwa Shirika hili, ni kufanya tafiti mbalimbali za kijeshi, kuzalisha na kuuza zao la msingi, silaha za kiraia, baruti na viwashio kwa wachimbaji madini, mawe na wajenzi.

DIRA

Kuwa kiwanda cha kisasa cha Kijeshi kinachotengeneza vifaa na zana bora kwa ajili ya Ulinzi na Usalama wa Taifa.

DHIMA

Kutafiti, kuendeleza na kutengeneza mazao ya msingi ya kijeshi na kiraia, pamoja na kutoa ushauri wa kitaaalamu katika shughuli za kuhandisi.

MUUNDO WA SHIRIKA

Shirika la Mzinga linaloongozwa na Bodi ya Wakurugenzi chini ya Bodi yupo Meneja Mkuu ambaye huongoza Idara kuu saba na Vitengo vinne.

KAZI NA WAJIBU WA SHIRIKA KISHERIA

Majukumu ya Shirika yamegawanyika katika sehemu kuu mbili ambazo ni Uzalishaji wa mazao ya msingi (asilia) na Tafiti za Kijeshi. IFUATAVYO:-

• Kuzalisha mazao na mitambo mbalimbali kama itakavyoamuliwa na Bodi ya Wakurugenzi;
• Kufanya tafiti mbalimbali kama itakavyoamuliwa na mamlaka za juu;
• Kufanya shughuli za kukarabati vifaa na mitambo mbalimbali;
• Kutekeleza majukumu mengine yote muhimu kwa maendeleo ya Shirika na Taifa; na
• Kutekeleza majukumu yote kama itakavyoagizwa na Bodi ya Wakurugenzi.